容許我串一點講句，教育制度改左後，雖然比AL淺得多，但95% DSE世代的同學仔已經唔太知咩係「溫習」。(其實由S5開始Patrick就已經好串，只是如非必要情況會控制著，是次串的目的係導人向善，若有得罪，請勿見怪。) 一般同學經驗匱乏，經常犯下3大錯誤，以致浪費時間精神，換來慘痛的成績。
===================================
【錯誤1 – 生吞死記，以為安全踏實】
好多同學以為每科只要努力地背熟所有野入腦，就好安全，其實令自己走向絕路就係這種心態。Econ來說，很多同學所謂的「溫習」就是對著notes或教科書看一次，或者背一次，完全莫視當中因果邏輯及考核價值。變相等於仲停留於「清代」的讀書方法，背多左好多無謂野，搞到讀得異常吃力，想考得好當然係妄想。
我成日同學生講，Econ係讀來幫你節省時間輕鬆考取L5或以上的，唔係用來塞爆個腦!!! 正如substitutes 替代品、complements 輔助品、competitive supply 競爭供應、joint supply 聯合供應，你唔會將4個全部死記晒吧?! 到真係考DSE時，死背晒4個的考生當然會記錯或者唔記得啦，所以2013年先會得25%人答啱一題咁廢的MC。 (我的學生應該知我講咩XD)
===================================
【錯誤2 – 盲目操練，以為越多越好】
成日有同學問得邊度有練習，有些話跟年份操pp，覺得操得越多越安全穩陣。問題係就咁做一次，做錯再問點解，又唔會上心，又唔會得出一套skills避開伏位，練來有咩用? 我成日話操練目的係要訓練skills、汲取經驗、控制時間，如果一味求多，唔去留意共通點同破解方法，再多都無用。如此本末倒置，有違練習原意，成效不彰，實屬尋常。(雙重押韻XD)
係Econ度，唔將題目預先細緻分類，再學完應付每類技巧先操練，係冇可能有成效的。我見過有同學成隻牛咁不斷衝練習，操到冇晒練習，連某些AL out-syl的都夠膽死去做埋都唔知out-syl，或者做坊間的垃圾練習，練壞手勢，適得其反。連考評會考咩、點考、有咩伏位都唔知，盲摸摸去做練習，等同自殺。
===================================
【錯誤3 – 心存僥倖，不思進取】
好多同學會鍾意相信既定的模式(即一般大眾都係咁做我咪咁做囉)，口話好想考好個試，但又冇諗過點做同實踐，懶得去設計一套有效策略同方法俾每一科，冇進取精神，幸運之神自然唔會企係你那邊。
S5時我讀7科雄霸5科全級第一，絕對唔係因為我天資好，而係我相信每一科都有更針對性的方法處理考試，冇選擇跟人去用既定的「清代」溫習方法。而我比正常人更貪心，永遠知人外有人，唔會滿足於現狀，唔會相信運氣，意志集中，律己以嚴，待人以寬。
===================================
好彩時代進步，現世的學生比兩間大學時代的前輩幸福，有一眾有heart有能力的導師協助你地，節省唔少功夫。
https://www.instagram.com/dseecon/
沒有留言:
張貼留言